Ur brav a zevezh profet gant an nevez-amzer evit ar staj "krampouezh" aozet gant ar C’huzul Gevellañ ha lusket gant Gaëlle hag he bandennad...Korriganed ar Meilhoù Glas, evel-just, deuet da sikour ha da galonekaat daouzek deskard mennet-tre… Ha gwiriet eo bet diouzhtu efedusted ar c’hentelioù : an deskarded eo o deus fardet pred an noz d’an dud bet pedet ganto da vamañ dirak o zalantoù nevez war ar c’hampouezhañ !
An tennadoù :
Diouzh ar mintin, Yvon ha Roger o prientiñ al lec’h. Degemer ar stajidi da 2e goude merenn gant Gaëlle ha Yann-Bêr.
Fardañ an doazenn winizh.
Treiñ ar grampouezhenn winizh kentañ…
Ur billig nevez-flamm evit ur paotr deuet "nevez-flamm" war e leve !
Michel, doareter an Telegram, o vont fier-ruz gant e zouzennad krampouezh : pep stajiad en deus profet ur grampouezhenn dezhañ !
Hanter-hent : deuet ar mare da sevel ar poent !
Ur frapad diskuizh dindan un heol brokus.
Fardañ an doazenn winizh du.
Hag aze, pa ’z eo anv a ledanaat an doazenn war ar billig, e verzher ez eus dija skiant prenet…
6e enderv : digor-kalon evit ar berzhidi hag ar gouvidi.
Lakaat er pleustr ar skiant bet prenet e-pad ar staj : ur pred krampouezh gwirion evit daou-ugent gouviad !
22 a viz Ebrel 2017. N’eus ket bet ezhomm kalz a amzer d’an nav stajiad, ha deraouidi wirion en o zouez, evit fardañ krampouezh brav ha saourus da servij d’o mignoned pe d’o familh bet pedet d’ur pred e fin ar staj.
RSS 2.0