D’an 13 a viz Ebrel eo bet bodet tud Lokorn, Ploneiz ha Plogoneg a vez ingal, bep sizhun pe bep pemzekte, o pleustriñ war dañsoù ar vro. Ne oa ket ar wech kentañ d’an 3 strollad d’en em gavout evel-se ! Pep hini d’e dro da bediñ ar re all en e gumun. Plijadur e-leizh a oa gant ar sonerien hag a boan ma ’z int chomet a-sav e-pad 10 munutenn evit distanañ gant ur banne chistr pe chug avaloù... Hag an dañserien ? Dispar e dañsont, an holl dañsoù, a-hed an abardaevezh...