Al lec’hienn pevaryezek-mañ a oa bet krouet e 2004 gant Katell, ur plac’h yaouank a Blogoneg aet d’ober ur staj dek miz da Vro Gembre e-barzh stern ar programm european « Servij a youl-vat ».
Tomm-tre ha karadeg-bras eo bet an degemer graet dezhi gant hor mignoned a Llandysul. Dre-se e oa bet gouest da soubañ e buhez pemdeziek ar vro, da zeskiñ kembraeg, da zastum dielloù a bep seurt hag ivez da zeskiñ ar pep retañ da sevel ul lec’hienn “internet”, dindan warez ur mestr-gwiad a Vro Gembre... [1]
Sevenet he doa ouzhpenn abadennoù digor d’an holl d’ober anaouedegezh gant ar sevenadur breizhat. Hag e-pad he “vakansoù” berr e Plogoneg, o vont amañ hag ahont dre ar gumun da atersiñ hini pe hini pe c’hoazh da skeudennaouiñ tra-mañ-tra, lec’h-mañ-lec’h, he doa berniet dafar da ginnig Plogoneg war al lec’hienn. Ha kement-se dindan dek miz !
E 2005 e fizias al lec’hienn d’ar C’huzul Gevellañ. Gant ar C’huzul eo bet dalc’het e reizh abaoe, oc’h ouzhpennañ pennadoù e brezhoneg hag e galleg diwar-benn an eskemmoù pennañ etre an div gumun. Chomet eo difiñv al lodenn e kembraeg hag e saozneg.
E dibenn ar bloavezh 2009 e oa chomet boud pep tra gant ma oa bet cheñchet, dre fazi, ar ger-tremen gant mestr-gwiad Bro Gembre. Divizet e oa bet neuze gant Kuzul Gevellañ Plogoneg derc’hel da vont gant un herberc’hier nevez, ur mestr-gwiad nevez, ur meziant nevez, ha da dreuzkas an holl roadennoù diouzh al lec’hienn “.com” davet an hini nevez “.org”, gant sikour ar gevredigezh birvidik “CyberPlogo”.
Hiroc’h an treuskas eget ma oa bet rakgwelet ! Met mont a ra an traoù war-raok...
Dav eo deomp lakaat ivez al lec’hienn da vezañ aesoc’h da implij. Hor seizh gwellañ a raimp a-benn he derc’hel e reizh..., met a-youl vat eo graet al labour-mañ ha berr a-walc’h eo hor skiant-prenet war dachenn an urzhiataerezh... Termal a reomp aliesik-a-walc’h met derc’hel a reomp da vont !
Amañ dindan e kavor evit derc’hel koun :
Pennad-skrid an digoridigezh
- Le Télégramme 25.03.05
Trugarekadennoù Katell : "Mersi bras d’an holl re o deus labouret a-benn sevel al lec’hienn-mañ, koulz war ar stumm hag an danvez, ha d’ar re o deus kemeret amzer da gomz ganin eus istor, hengoun ha sevenadur e Kembre pe e Breizh pergen. Mersi ivez d’an holl o deus strivet evit e vefe peder yezh war al lec’hienn-mañ o kemer perzh er pezh mell labour treiñ-se. Dav eo din trugarekaat Jaklin ha Yann-Bêr am eus goulennataet kalzik evit a sell ouzh tu Breizh al lec’hienn, hag Huw ha Wenna evit bezañ desket kalz traoù din diwar-benn bro Gembre, ha dreze on bet e darempred gant an dud barrek da sikour ac’hanon. Mersi c’hoazh da Yannig a labour e Ti Ar Vro Kemper hag en deus troet al lec’hienn-se e brezhoneg."
Rhidian e Plogoneg
- Le Télégramme Mars/Meurzh 2002
RSS 2.0